sang Dios
Transkript
sang Dios
34567 ABRIL 15, 2013 Hunyo 3-9 Magbenepisyo sing Bug-os sa Pagbasa sing Biblia PAHINA 3 AMBAHANON: 114, 113 Hunyo 10-16 Buligi ang Imo Kaugalingon kag ang Iban Paagi sa Paggamit sang Pulong sang Dios PAHINA 18 AMBAHANON: 37, 92 Dalagku sing Letra nga Edisyon BAHIN 1 34567 APRIL 15, 2013 Vol. 134, No. 8 Semimonthly HILIGAYNON TULUN-AN NGA MGA ARTIKULO ˇ Magbenepisyo sing Bug-os sa Pagbasa sing Biblia ˇ Buligi ang Imo Kaugalingon kag ang Iban Paagi sa Paggamit sang Pulong sang Dios Si Pablo nagsulat nga “ang pulong sang Dios buhi kag gamhanan.” (Heb. 4:12) Pero makabenepisyo lang kita sa sina nga gahom kon tun-an naton ang inspirado nga Pulong sang Dios kag iaplikar ang mga panudlo sini. Ini nga mga artikulo nagapadaku sang epektibo nga paagi sa pagtuon sa Biblia kag kon paano gamiton ang kaalam sang Dios sa aton ministeryo kag sa personal nga kabuhi. Ini nga magasin wala ginabaligya. Ginagamit ini subong bahin sang bug-os kalibutan nga hilikuton sa pagtudlo sang Biblia nga ginasuportahan sang boluntaryo nga mga donasyon. Luwas kon tuhay ang ginapakita, ang mga kinutlo sa Griegong Kasulatan naghalin sa Bag-ong Kalibutan nga Badbad Sang Cristianong Griegong Kasulatan kag ang mga kinutlo sa Hebreong Kasulatan naghalin sa Ang Biblia sang Philippine Bible Society (HIL). Publishers: Watchtower Bible and Tract Society of New York, Inc. 5 2013 Watch Tower Bible and Tract Society of Pennsylvania. All rights reserved. Printed in Japan. Magbenepisyo sing Bug-os sa Pagbasa sing Biblia “Nagakalipay gid ako sa kasuguan sang Dios.” —ROMA 7:22. PANGITAA INI NGA MGA PUNTO Paano ka makabenepisyo sa pagbasa sing mahinay? Paano ka makatipon sang mga punto sa Kasulatan nga magamit mo sa pagbulig sa iban? Paano makaamlig sa imo ang maukod nga pagbasa sing Biblia? “KADA adlaw, nagapasalamat ako kay Jehova sa pagbulig sa akon nga mahangpan ang Biblia.” Amo ini ang ginsiling sang may edad na nga sister nga nakabasa sing Biblia sing sobra 40 na ka beses, kag padayon niya ini nga ginahimo. Ang isa ka pamatan-on nga sister nagsulat nga ang pagbasa sing Biblia nakabulig sa iya nga mahangpan nga matuod si Jehova. Bilang resulta, nagsuod pa gid sia sa iya Amay sa langit. Nagsiling sia, “Nangin mas malipayon ang akon kabuhi!” 1-3. Ano ang mga benepisyo sa pagbasa sa Biblia kag pag-aplikar sa mga panudlo sini? BAHIN 1 ANG L ALANTAWAN— A BRIL 15, 2013 3 2 Ginpalig-on ni apostol Pedro ang tanan nga ‘palam- buon ang paghandum sa wala simbog nga gatas nga iya sang pulong.’ (1 Ped. 2:2) Ang mga nagapuno sini nga handum paagi sa pagtuon sa Biblia kag pag-aplikar sang mga panudlo sini may matinlo nga konsiensia kag katuyuan sa kabuhi. Nakatigayon sila sing dalayon nga pag-abyanay sa mga nagahigugma man kag nagaalagad sa matuod nga Dios. Tanan ini mabakod nga mga rason sa ‘pagkalipay sa kasuguan sang Dios.’ (Roma 7: 22) Pero may dugang pa nga benepisyo. Ano ang pila sa sini? 3 Samtang nagadugang ang imo natun-an kay Jehova kag sa iya Anak, nagadugang man ang imo gugma sa ila kag sa imo isigkatawo. Ang pagtigayon sang sibu nga ihibalo sa Kasulatan nagabulig sa imo nga mahangpan kon paano luwason sang Dios sa indi madugay ang matinumanon nga katawhan sa sining nagatagumatayon nga sistema. May positibo ka nga mensahe sang maayong balita nga mapaambit sa mga tawo sa imo ministeryo. Si Jehova magapakamaayo sa imo samtang ginatudluan mo 4 ANG L ALANTAWAN— A BRIL 15, 2013 BAHIN 1 ang iban sang imo mga natun-an gikan sa pagbasa sa Pulong sang Dios. BASAHA KAG PAMALANDUNGI 4 Indi luyag ni Jehova nga dalidalion basa sang iya mga alagad ang iya Pulong. Ginsilingan niya si Josue sadto: “Ining tolon-an sang kasogoan indi magbulag sa imo baba, kondi magpamalandong ka sa iya sa adlaw kag gab-i.” (Jos. 1:8; Sal. 1:2) Buot bala silingon sini nga basahon naton ang bug-os nga Biblia sa matunog ukon mahinay nga tingog? Indi. Nagakahulugan ini nga indi mo dapat pagdasigon ang pagbasa para mapamensaran mo ini sing maayo. Magabulig ini sa imo nga magkonsentrar sa mga bahin nga mapuslanon gid kag makapalig-on sa imo sa sina nga tion. Para makita ina nga mga prase, bersikulo, ukon rekord, basaha ini sing mahinay, ayhan paagi sa pagkutibkutib sang mga tinaga. Ang daku nga kapuslanan sang isa ka punto sa Kasulatan mahimo magtandog gid sa imo. Ngaa importante ini? Bangod ang paghangop sa laygay sang Dios magapahulag sa imo nga iaplikar ini. 4. Ano ang nalakip sa ‘pagpamalandong’ sang imo nabasahan sa Biblia? BAHIN 1 ANG L ALANTAWAN— A BRIL 15, 2013 5 5 Ang pagbasa sing mahinay makabulig gid kon gina- binagbinag mo ang mga tulun-an nga indi pamilyar sa imo. Sa pag-ilustrar, binagbinaga ining tatlo ka senaryo. Una, hunahunaa ang isa ka pamatan-on nga brother nga nagabasa sang tagna ni Oseas. Sa kapitulo 4, nagdulog sia sang nabasa niya sing mahinay ang bersikulo 11 tubtob 13. (Basaha ang Oseas 4:11-13.) Ngaa? Nakuha sini nga mga bersikulo ang iya atension bangod nagapanikasog sia nga pamatukan ang imoral nga impluwensia sa eskwelahan. Ginpamalandungan niya ini kag naghunahuna: ‘Nakita ni Jehova ang malain nga ginahimo sang mga tawo bisan sa pribado. Indi ko gusto nga maakig sia sa akon.’ Determinado ini nga utod nga magpabilin nga matinlo sa moral sa atubangan sang Dios. 6 Sa ikaduha nga senaryo, ang isa ka sister nagabasa sang tagna ni Joel kag nakalab-ot sa kapitulo 2, bersikulo 13. (Basaha ang Joel 2:13.) Samtang ginabasa niya sing mahinay ina nga bersikulo, nagapamalandong sia 5-7. Iilustrar kon paano ang pagbasa sing mahinay sa Pulong sang Dios makabulig sa imo sa (a) pagpabilin nga matinlo sa moral; (b) pagpakig-angot sing mapinasensiahon kag mainayuhon sa iban; (c) pagsalig kay Jehova bisan sa tion sang mga kabudlayan. 6 ANG L ALANTAWAN— A BRIL 15, 2013 BAHIN 1 kon paano niya mailog si Jehova, nga “mainayohon . . . kag maloloy-on, makuli sa pagpangakig, kag bugana sa malig-on nga paghigugma.” Nagdesisyon sia nga likawan ang mamulayon ukon masakit nga mga tinaga nga kon kaisa mahambal niya sa iya bana kag sa iban. 7 Ikatlo, hunahunaa ang isa ka amay nga nadulaan sing trabaho kag nabalaka sa kaayuhan sang iya asawa kag kabataan. Sa Nahum 1:7, nabasa niya sing mahinay nga “kilala [ni Jehova] ang mga nagadangup sa iya” kag ginaproteksionan sila kaangay sang “pamakud sa adlaw sang kalisud.” Ini nga pinamulong naglugpay sa iya. Nabatyagan niya ang pag-atipan ni Jehova kag wala na nabalaka sing sobra. Dayon ginbasa niya sing mahinay ang bersikulo 15. (Basaha ang Nahum 1:15.) Nahangpan sini nga utod nga paagi sa pagbantala sang maayong balita bisan may mga kabudlayan, mapakita gid niya nga si Jehova amo ang iya pamakod. Samtang padayon nga nagapangita ang utod sing obra, napahulag sia nga suportahan ang pag-alagad sa latagon sa bug-os nga semana. 8 Ang bag-o lang ginsambit nga mga benepisyo 8. Isaysay sing malip-ot ang bilidhon nga mga butang nga imo nasapwan sa pagbasa sing Biblia. BAHIN 1 ANG L ALANTAWAN— A BRIL 15, 2013 7 naghalin sa mga tulun-an sa Biblia nga para sa iban mabudlay hangpon. Samtang ginausisa mo ang tulun-an nanday Oseas, Joel, kag Nahum upod sa handum nga makatuon, mapahulag ka nga basahon sing mahinay ang iban pa nga bersikulo sini. Hunahunaa kon ano nga kaalam kag lugpay ang imo matigayon sa mga sinulatan sini nga mga manalagna! Kamusta naman ang iban pa nga nasulat sa Biblia? Ang Pulong sang Dios pareho sang minahan nga madamo sing diamante. Minaha ini sing maayo! Huo, basaha ang bug-os nga Biblia sa tulumuron nga makakita sing bilidhon nga mga giya kag pasalig sang Dios. HANGPA SING MAAYO 9 Kon importante ang pagbasa sing Biblia kada adlaw, importante man ang paghangop kag paghantop. Gani, gamita sing maayo ang mga publikasyon sang organisasyon ni Jehova sa pag-research parte sa mga tawo, lugar, kag mga hitabo nga imo nabasa. Ukon kon nagapalibog ka kon paano makabenepisyo sa isa ka panudlo sang Biblia, mahimo ka makapangayo sing bulig sa gulang sa 9. Paano naton mapauswag ang aton paghangop sa kabubut-on sang Dios? 8 ANG L ALANTAWAN— A BRIL 15, 2013 BAHIN 1 kongregasyon ukon sa isa ka hamtong nga Cristiano. Para mahibaluan ang importansia sang pagpauswag sang aton paghangop, binagbinagon naton ang halimbawa sang isa ka Cristiano sang unang siglo nga nagtinguha sa paghimo sini. Sia amo si Apolos. 10 Si Apolos isa ka Judiyo nga Cristiano nga “batid . . . sa Kasulatan” kag “nagasilabo sa espiritu.” Ang tulun-an sang Binuhatan nagasiling parte sa iya: “Padayon sia nga naghambal kag nagpanudlo sing sibu sang mga butang tuhoy kay Jesus, apang ang pagbawtismo ni Juan amo lamang ang iya nahibaluan.” Wala narealisar ni Apolos nga indi na suno sa tion ang iya ginatudlo parte sa bawtismo. Sang nabatian sang Cristiano nga mag-asawa nga sanday Priscila kag Aquila ang iya panudlo sa Efeso, “ginpaathag [nila] sa iya sing sibu pa ang dalanon sang Dios.” (Binu. 18:24-26) Paano si Apolos nakabenepisyo sa sini? 11 Pagkatapos makabantala sa Efeso, nagkadto si Apo- los sa Acaya. “Sang nag-abot sia didto, daku ang iya nabulig sa mga nagpati tungod sa wala tupong nga kaayo 10, 11. (a) Paano nabuligan si Apolos nga mag-uswag subong ministro sang maayong balita? (b) Ano ang matun-an naton parte kay Apolos? (Tan-awa ang kahon nga “Ang Imo Bala Panudlo Suno sa Tion?”) BAHIN 1 ANG L ALANTAWAN— A BRIL 15, 2013 9 ANG IMO BALA PANUDLO SUNO SA TION? Luyag naton mangin suno sa tion ang aton paghangop sa kamatuoran sang Biblia para mapaambit naton ang sibu nga ihibalo sa iban. Parte sa sini, paano mo sabton ang masunod nga mga pamangkot? ˇ Sin-o ang ginpatuhuyan ni Jesus sang nagsiling sia parte sa “kaliwatan” sa Mateo 24:34?—Ang Lalantawan, Abril 15, 2010, pahina 10-11. ˇ San-o mahanabo ang pagpain sa “mga karnero sa mga kanding” nga ginlaragway sa Mateo 25:32?—Ang Lalantawan, Oktubre 15, 1995, pahina 21-23. ˇ Subong ginsambit sa Lucas 21:26, san-o “ang mga tawo [magakapunaw] bangod sa kahadlok kag sa pagpaabot sa mga butang nga mahanabo sa napuy-an nga duta”?—Ang Lalantawan, Pebrero 15, 1994, pahina 19-20. Paagi sa pagbasa sing Biblia kada adlaw kag maukod nga personal nga pagtuon, mabuligan naton ang iban nga maglakat sa nagasanag nga nagasanag nga kapawa nga ginapaiwag ni Jehova sa iya Pulong.—Hulu. 4:18. sang Dios; kay mapag-on kag bug-os nga ginpamatud-an niya sing dayag nga sayop ang mga Judiyo, samtang ginpakita niya paagi sa Kasulatan nga si Jesus amo ang Cristo.” (Binu. 18:27, 28) Sina nga tion, mapaathag na sing 10 ANG L ALANTAWAN— A BRIL 15, 2013 BAHIN 1 sibu ni Apolos ang kahulugan sang Cristianong bawtismo. Bangod nag-uswag ang iya paghangop, “daku ang iya nabulig” sa mga bag-uhan nga mag-uswag sa matuod nga pagsimba. Ano ang aton matun-an sa sini? Kaangay ni Apolos, ginatinguhaan naton nga mahangpan ang aton nabasahan sa Biblia. Pero, kon ang isa ka eksperiensiado nga masigkatumuluo maghatag sing suhestyon kon paano kita makatudlo sing mas epektibo, luyag naton batunon sing mapainubuson kag may pagpasalamat ina nga bulig. Kon himuon naton ini, magauswag ang kalidad sang aton sagrado nga pag-alagad. GAMITA ANG IMO NATUN-AN SA PAGBULIG SA IBAN 12 Kaangay nanday Priscila, Aquila, kag Apolos, mahi- mo man kita mangin pagpakamaayo sa iban. Kon ang imo pagpalig-on nakabulig sa isa ka interesado nga malampuwasan ang mga balagbag sa iya pag-uswag sa espirituwal, ano ang imo nabatyagan? Ukon subong isa ka gulang, ano ang imo nabatyagan kon ang isa ka utod 12, 13. Iilustrar kon paano ang mataktikanhon nga paggamit sang Kasulatan makabulig sa mga Bible study nga mag-uswag. BAHIN 1 ANG L ALANTAWAN— A BRIL 15, 2013 11 nagpasalamat sa imo bangod sa laygay halin sa Kasulatan nga nakabulig sa iya sa tion sang kabudlayan? Pat-od gid nga ang paggamit sang Pulong sang Dios para buligan ang iban nga mangin maayo ang ila kabuhi magapahalipay sa aton.1 Talupangda kon paano mo ini mahimo. 13 Madamo nga Israelinhon sang panahon ni Elias ang indi makadesisyon kon bala ang matuod ukon ang butig nga pagsimba ang ila sundon. Ang laygay ni Elias sa ila makabulig sa mga Bible study nga indi pa makadesisyon sa pag-alagad kay Jehova. (Basaha ang 1 Hari 18:21.) Binagbinaga ang isa pa ka sitwasyon: Kon ang isa ka interesado nahadlok sa reaksion sang iya mga abyan ukon pamilya, mahimo mo pabakuron ang iya determinasyon sa pagsimba kay Jehova paagi sa pagpangatarungan base sa Isaias 51:12, 13.—Basaha. 14 Maathag nga ang Biblia nagaunod sing madamo nga 1 Siempre, wala naton ginagamit ang laygay sang Biblia para piliton ukon pakamalauton ang iban. Dapat kita mangin mapinasensiahon kag mainayuhon sa aton Bible study, pareho sang ginpakita sa aton ni Jehova.—Sal. 103:8. 14. Ano ang makabulig sa imo para madumduman ang mga teksto kon kinahanglan mo ini para buligan ang iban? 12 ANG L ALANTAWAN— A BRIL 15, 2013 BAHIN 1 pinamulong nga makapalig-on, makatadlong, ukon makapabakod sa mga nagabasa sini. Pero mahimo ka mamangkot, ‘Paano ko mahibaluan ang teksto nga dapat gamiton kon kinahanglan ko ini?’ Basaha ang Biblia kag pamalandungi ang panghunahuna sang Dios kada adlaw. Paagi sa sini, makatipon ka sing mga pinamulong sang Dios nga ipahanumdom sa imo sang espiritu ni Jehova sa tion nga kinahanglan mo ini.—Mar. 13:11; basaha ang Juan 14:26.1 15 Pareho kay Hari Solomon, mangamuyo kay Jehova para makatigayon sing kaalam sa pagtuman sang teokratiko nga mga responsibilidad. (2 Cron. 1:7-10) Kaangay sa mga manalagna sang una, maghimo sing “maukod nga pag-usisa kag mahalungon nga pagpanalawsaw” sa Pulong sang Dios para matigayon ang sibu nga ihibalo parte kay Jehova kag sa iya kabubut-on. (1 Ped. 1:10-12) 1 Ano abi kon ang madumduman mo lang amo ang panguna nga mga tinaga pero indi ang tulun-an, kapitulo, kag bersikulo? Kon pangitaon mo ina nga mga tinaga sa indese sa likod sang Biblia, sa Watchtower Library, ukon sa konkordansia sang New World Translation, mahimo mo makita ang teksto. 15. Ano ang makabulig sa imo para mahangpan sing bug-os ang Pulong sang Dios? BAHIN 1 ANG L ALANTAWAN— A BRIL 15, 2013 13 Ginpalig-on ni apostol Pablo si Timoteo nga saguron ang iya kaugalingon “sang mga pulong sang pagtuo kag sang maayong panudlo.” (1 Tim. 4:6) Kon himuon mo ini, mangin epektibo ka sa pagbulig sa iban sa espirituwal. Mapabakod mo man ang imo pagtuo. 16 PAT-OD NGA PANGAMLIG BASE SA PULONG SANG DIO S Ang mga Judiyo sa Berea, nga isa ka siudad sa Ma- cedonia, may kinabatasan nga ‘usisaon sing maayo ang Kasulatan adlaw-adlaw.’ Sang ginbantalaan sila ni Pablo, ginpaanggid nila ang iya ginsiling sa ila nahibaluan sa Kasulatan. Ano ang resulta? Madamo ang nakumbinsi nga nagatudlo sia sing kamatuoran, kag “nangin mga tumuluo” sila. (Binu. 17:10-12) Ginapakita sini nga ang pagbasa sing Biblia kada adlaw nagapabakod sang pagtuo kay Jehova. Ina nga pagtuo—“ang masaligan nga pagpaabot sa mga butang nga ginalauman”—importante para maluwas kita pasulod sa bag-ong kalibutan sang Dios. —Heb. 11:1. 16. (a) Paano ang ‘pag-usisa sing maayo sa Kasulatan adlaw-adlaw’ nakabulig sa mga taga-B erea? (b) Ngaa importante nga basahon naton ang Biblia kada adlaw? 14 ANG L ALANTAWAN— A BRIL 15, 2013 BAHIN 1 17 Si Pablo may maayo nga rason sa pagsulat: “Para sa aton nga iya sang adlaw, huptan naton ang aton kaligdong kag isuklob ang pagtuo kag gugma subong panaming sa dughan kag ang paglaum nga kaluwasan subong helmet.” (1 Tes. 5:8) Ang tagipusuon sang isa ka soldado nagakinahanglan sing proteksion batok sa kaaway. Sing kaanggid, ang malaragwayon nga tagipusuon sang isa ka Cristiano nagakinahanglan sing pangamlig batok sa gahom sang sala. Ano ang resulta kon ipakita sang isa ka alagad ni Jehova ang mabakod nga pagtuo sa mga saad sang Dios kag ang gugma sa Iya kag sa iya isigkatawo? Nagasul-ob sia sing pinakamaayo nga espirituwal nga taming. Ayhan indi gid sia makahimo sing mga butang nga makadula sang kahamuot sang Dios. 18 Ginsambit man ni Pablo ang helmet, nga amo “ang paglaum nga kaluwasan.” Sang panahon sang Biblia, kon indi pagproteksionan sang isa ka soldado ang iya ulo, mahapos sia mapatay sa inaway. Pero kon nagasuksok sia sing maayo nga helmet, indi sia grabe nga mahalitan kon 17, 18. (a) Paano ang mabakod nga pagtuo kag gugma magaamlig sa malaragwayon nga tagipusuon sang isa ka Cristiano? (b) Paano ang paglaum nagaamlig sa aton batok sa katalagman? BAHIN 1 ANG L ALANTAWAN— A BRIL 15, 2013 15 maigo sia sa ulo. Nagabakod ang aton paglaum sa pagluwas ni Jehova paagi sa pagtuon sa iya Pulong. Ang mabakod nga paglaum nagabulig sa aton nga pamatukan ang mga apostata kag ang ila makahalalit kag “wala pulos nga mga hambalanon.” (2 Tim. 2:16-19) Magapabakod man ini sa aton nga isikway yadtong magaimpluwensia sa aton sa paghimo sang mga butang nga ginapakamalaut ni Jehova. KINAHANGLANON PARA SA KALUWASAN 19 Samtang nagahilapit kita sa katapusan, mas kinahanglan naton nga magsalig sa Pulong ni Jehova. Ang mga laygay sini makabulig sa aton para matadlong ang malain nga mga batasan kag makontrol ang aton makasasala nga mga huyog. Paagi sa pagpalig-on kag lugpay sini, makalampuwas kita sa mga pagtilaw ni Satanas kag sang iya kalibutan. Sa panuytoy ni Jehova paagi sa iya Pulong, makapabilin kita sa dalan padulong sa kabuhi. 20 Dumduma nga kabubut-on sang Dios nga “ang tanan nga sahi sang mga tawo maluwas.” Ang mga alagad 19, 20. Ngaa ginaapresyar gid naton ang Pulong sang Dios, kag paano naton ini mapakita? (Tan-awa ang kahon nga “Ginhatag ni Jehova ang Akon Gid Kinahanglanon.”) 16 ANG L ALANTAWAN— A BRIL 15, 2013 BAHIN 1 ‘GINHATAG NI JEHOVA ANG AKON GID KINAHANGLANON’ Ang isa ka pamatan-on nga sister nagsulat: “Sa tanan nga mahigugmaon nga pahanumdom ni Jehova sa aton, ang pagpalig-on nga basahon ang Biblia kada adlaw may daku gid nga impluwensia sa akon kabuhi. Nagsugod ako sa pagbasa sing Biblia sang katapusan ko nga tuig sa hayskul, kag mga duha ka tuig ko ini nga natapos. Sina nga tion, nasapwan ko sa Pulong ni Jehova ang tanan nga kinahanglan ko sa pagdesisyon kon ano ang himuon ko sa akon kabuhi. Karon, ginabasa ko naman ini liwat. Pero daw pareho lang nga bag-o gihapon ang akon ginabasa. Ginakalangkagan ko gihapon ang pagbasa sini pareho sang una! Nagdayaw ako sa ikasarang ni Jehova sa paghatag sang akon gid kinahanglanon.” ni Jehova nalakip sa “tanan nga sahi sang mga tawo.” Amo man ang mga tawo nga mahimo naton mabuligan sa aton pagbantala kag pagtudlo nga hilikuton. Pero ang tanan nga luyag maluwas dapat magtigayon sing “sibu nga ihibalo tuhoy sa kamatuoran.” (1 Tim. 2:4) Gani, kon luyag naton maluwas sa katapusan nga mga adlaw, kinahanglan naton basahon ang Biblia kag iaplikar ang mga laygay sini. Huo, ang pagbasa sing Biblia kada adlaw nagapakita nga ginaapresyar gid naton ang bilidhon nga Pulong sang kamatuoran ni Jehova.—Juan 17:17. BAHIN 1 ANG L ALANTAWAN— A BRIL 15, 2013 17 Buligi ang Imo Kaugalingon kag ang Iban Paagi sa Paggamit sang Pulong sang Dios “Ginakabig ko nga matarung ang tanan mong sogo nahanungud sa tanan nga butang.”—SAL. 119:128. ANO ANG IMO SABAT? Paano mo magamit sing epektibo ang Kasulatan kon nagatudlo sa iban? Ano ang buot silingon ni Pablo sang nagsiling sia parte sa “pagtadlong sa mga butang”? Paano ang mga gulang kag mga ginikanan ‘makadisiplina sa pagkamatarong’? SA TION nga ginabinagbinag sang mga gulang kon bala ang isa ka Bible study makalipikar sa pagpakigbahin sa ministeryo, ginapamangkot nila ang ila kaugalingon, ‘Makita bala sa komento sang tawo nga nagapati sia nga ang Biblia inspirado nga Pulong sang Dios?’1 Para sa mga lu1 Tan-awa ang Organisado sa Paghimo Sang Kabubut-on ni Jehova, pahina 79. 1. Ngaa dapat may bug-os kita nga pagsalig sa Pulong sang Dios? 18 ANG L ALANTAWAN— A BRIL 15, 2013 BAHIN 1 yag mangin manugbantala sang Ginharian kag sa tanan nga mga alagad sang Dios, dapat nga huo gid ang sabat sa sini nga pamangkot. Ngaa? Ang aton pagsalig sa Pulong sang Dios kag ang aton ikasarang sa paggamit sini sa ministeryo magabulig sa aton para buligan ang iban nga makilala si Jehova kag makatigayon sing kaluwasan. 2 Ginpadaku ni apostol Pablo ang balor sang Pulong sang Dios sang nagsulat sia kay Timoteo: “Magpadayon ka sa mga butang nga imo natun-an kag nabuyok ka nga patihan.” Ang “mga butang” nga ginsambit ni Pablo amo ang mga kamatuoran sa Biblia nga nagpahulag kay Timoteo nga magtuo sa maayong balita. Ini nga mga kamatuoran may amo man nga epekto sa aton, kag padayon ini nga nagabulig sa aton nga magpabilin nga ‘maalam para sa kaluwasan.’ (2 Tim. 3:14, 15) Ang masunod nga ginsiling Pablo masami naton ginagamit para ipakita sa iban nga ang Biblia naghalin sa Dios, pero mahimo may matun-an pa kita sa ginsiling sang 2 Timoteo 3:16. (Basaha.) Binagbinagon naton sing mas detalyado 2. Ngaa dapat kita ‘magpadayon sa mga butang nga aton natun-an’? BAHIN 1 ANG L ALANTAWAN— A BRIL 15, 2013 19 ini nga bersikulo. Paagi sa sini, mapabakod naton ang aton pagsalig nga “matarung” ang tanan nga panudlo ni Jehova.—Sal. 119:128. “MAPUSLANON . . . SA PAGPANUDLO” 3 Ginsilingan ni Jesus ang pungsod sang Israel: “Na- gapadala ako sa inyo sang mga manalagna kag maalam nga mga lalaki kag mga manunudlo sang mga tawo.” (Mat. 23:34) Ginpatuhuyan diri ni Jesus ang iya mga disipulo, nga gintudluan niya nga gamiton ang Kasulatan sa ila ministeryo. Sang Pentecostes 33 C.E., ang isa sining “mga manunudlo sang mga tawo,” nga si apostol Pedro, nagpamulongpulong sa kadam-an sa Jerusalem diin ginkutlo niya ang pila ka bahin sang Hebreong Kasulatan. Sang nabatian sang mga tagpalamati kon paano ginpaathag ni Pedro ang mga bersikulo, madamo ang “napilasan [sa] ila tagipusuon.” Naghinulsol sila sa ila mga sala. Mga tatlo ka libo sa ila ang nangayo sing 3-5. (a) Ano ang reaksion sang kadam-an sa pamulongpulong ni Pedro sang Pentecostes, kag ngaa? (b) Ngaa madamo sa Tesalonica ang nagbaton sang kamatuoran? (c) Ano ang nagapadayaw sa mga tawo karon parte sa aton ministeryo? 20 ANG L ALANTAWAN— A BRIL 15, 2013 BAHIN 1 kapatawaran sang Dios kag nangin Cristiano.—Binu. 2: 37-41. 4 Ang isa pa ka manunudlo sang mga tawo, nga si apostol Pablo, nagbantala sang maayong balita indi lang sa Jerusalem. Halimbawa, sa Tesalonica, nga isa ka siudad sa Macedonia, namulongpulong sia sa sinagoga. Sa tatlo ka Inugpahuway, “nagpangatarungan [si Pablo] sa ila pasad sa Kasulatan . . . nga nagapaathag kag nagapamatuod paagi sa mga reperensia nga ang Cristo kinahanglan mag-antos kag mabanhaw gikan sa mga patay.” Ano ang resulta? “Ang pila sa ila [mga Judiyo] nangin mga tumuluo,” subong man ang “daku nga kadam-an sang mga Griego.”—Binu. 17:1-4. 5 Sa karon, madamo man ang nagadayaw sa mga alagad sang Dios sa ila paggamit sing Biblia. Sa tapos mapamatian sang isa ka tagbalay sa Switzerland ang pagbasa sing teksto sang isa ka sister, namangkot ang tagbalay: “Ano ang imo relihion?” Ang sister nagsabat: “Ako kag ang akon kaupod mga Saksi ni Jehova.” Nagsiling sia: “Dapat nahibaluan ko na ini. Kay wala na sing iban nga nagakadto diri kag nagabasa sing Biblia magluwas sa mga Saksi ni Jehova.” BAHIN 1 ANG L ALANTAWAN— A BRIL 15, 2013 21 6 Paano naton magamit sing maayo ang Biblia sa aton pagpanudlo? Kon ginhatagan ka sing bahin sa kongregasyon, maggamit sing espesipiko nga mga teksto sa Biblia. Sa baylo nga ihambal lang ang ginasiling sang teksto ukon basahon sa naimprinta nga papel ukon sa elektroniko nga mga kagamitan, buksi ang Biblia kag basaha ini, kag palig-una ang mga tumalambong nga buksan man ang ila Biblia. Ipaathag man kon ano ang aplikasyon sang teksto para mabuligan ang mga tumalambong nga magsuod pa gid kay Jehova. Imbes nga maggamit sing komplikado nga mga ilustrasyon kag mga eksperiensia nga nagalingaw lang, gamita ang tion sa pagpaathag sa Pulong sang Dios. 7 Ano ang dapat naton dumdumon kon nagahiwat sing mga pagtuon sa Biblia sa puluy-an? Bisan pa ginagamit naton ang aton mga publikasyon, indi naton dapat pagbalewalaon ang ginlakip nga mga teksto. Dapat naton palig-unon ang estudyante nga basahon ang mga teksto kag buligan sia nga mahangpan ang kahulugan sini. Paano? 6, 7. (a) Paano magamit sing maayo sang mga nagatudlo sa kongregasyon ang Biblia? (b) Ngaa importante nga gamiton sing epektibo ang Kasulatan sa mga pagtuon sa Biblia sa puluy-an? 22 ANG L ALANTAWAN— A BRIL 15, 2013 BAHIN 1 Imbes nga maghatag sing malawig nga mga eksplinasyon nga daw nagasermon ka, palig-una ang estudyante nga ipabutyag ang iya kaugalingon. Sa baylo nga hambalan sia kon ano ang patihan ukon himuon, maggamit sing makapainteres nga mga pamangkot nga magabulig sa iya nga mahangpan ang ginatudlo sang Biblia.1 “MAPUSLANON . . . SA PAGSABD ONG” 8 Masami naton ginatamod ang “pagsabdong” nga obligasyon lang sang mga gulang. Matuod, ang mga manugtatap may responsibilidad sa ‘pagsabdong sa padayon nga nagapakasala.’ (1 Tim. 5:20; Tito 1:13) Pero importante man ang pagsabdong sa aton kaugalingon. Si Pablo isa ka huwaran nga Cristiano nga may matinlo nga konsiensia. (2 Tim. 1:3) Pero nagsulat sia: “Nakita ko sa mga bahin sang akon lawas ang isa pa ka kasuguan nga nagapakig-away batok sa kasuguan sang akon hunahuna kag nagadala sa akon nga bihag sa kasuguan sang sala.” Kon tun-an naton ang konteksto sini nga mga pinamulong, 1 Sa iya pagpanudlo, si Jesus masami nagapamangkot: “Ano sa banta ninyo?” Dayon nagahulat sia sing sabat.—Mat. 18:12; 21:28; 22:42. 8. Ano ang ginpakigbatuan ni Pablo? BAHIN 1 ANG L ALANTAWAN— A BRIL 15, 2013 23 mahangpan naton sing maayo kon ano nga pagpakig-away ang ginpakigbatuan ni Pablo para makontrol ang iya makasasala nga huyog.—Basaha ang Roma 7:21-25. 9 Ano nga mga kaluyahon ang ginpakigbatuan ni Pab- lo? Bisan wala niya ini ginsambit sing espesipiko, nagsulat sia kay Timoteo nga sia “tampalasan nga tawo.” (1 Tim. 1:13) Antes sia makumbertir, grabe gid ang kaakig ni Pablo sa mga Cristiano. Parte sa iya nabatyagan sa mga sumulunod sang Cristo, nagsiling sia: “Akig gid ako sa ila.” (Binu. 26:11) Natun-an ni Pablo nga kontrolon ang iya kaakig, pero kon kaisa kinahanglan niya pakigbatuan ang iya balatyagon kag ang iya ginahambal. (Binu. 15:36-39) Ano ang nakabulig sa iya? 10 Sang nagsulat sia sa mga Cristiano sa Corinto, gin- laragway ni Pablo ang paagi nga iya gingamit para sabdungon ang iya kaugalingon. (Basaha ang 1 Corinto 9: 26, 27.) Ginsakit niya ang iya kaugalingon, mahimo paagi sa pagpangita sing mga laygay sa Kasulatan, pagpangabay sing bulig ni Jehova para maaplikar ini, kag pag9, 10. (a) Ano ang posible nga mga kaluyahon nga ginpakigbatuan ni Pablo? (b) Paano mahimo nagpakig-away si Pablo batok sa sala? 24 ANG L ALANTAWAN— A BRIL 15, 2013 BAHIN 1 panikasog nga mag-uswag.1 Makabenepisyo kita sa iya halimbawa bangod nagapakig-away man kita batok sa aton makasasala nga mga huyog. 11 Indi kita dapat mangin kampante sa aton pag-alagad. Sa baylo, dapat naton ‘padayon nga tilawan’ ang aton kaugalingon para mapat-od nga nagalakat gid kita sa dalanon sang kamatuoran. (2 Cor. 13:5) Kon ginabasa naton ang mga kasulatan pareho sang Colosas 3:5-10, mahimo naton pamangkuton ang aton kaugalingon: ‘Nagapanikasog bala ako sa pagpatay sa akon makasasala nga mga huyog, ukon nagaluya na ako sa moral? Kon nagagamit sing Internet kag gulpi lang naggua ang imoral nga mga site, ginasira ko bala ini dayon, ukon padayon nga naga-search sing indi nagakaigo nga mga Web site?’ Ang aton personal nga pag-aplikar sa laygay sang Pulong sang Dios magabulig sa aton nga “magpabilin . . . nga nagamata kag nagahupot sang aton kaligdong.”—1 Tes. 5:6-8. 1 Ang mga sulat ni Pablo nagaunod sing madamo nga pagpaligon sa pagpakigbato sa makasasala nga mga huyog. (Roma 6:12; Gal. 5:16-18) Makasiling gid kita nga gin-aplikar niya mismo ang iya laygay sa iban.—Roma 2:21. 11. Paano naton ‘padayon nga matilawan’ ang aton kaugalingon kon bala nagalakat kita sa dalanon sang kamatuoran? BAHIN 1 ANG L ALANTAWAN— A BRIL 15, 2013 25 “MAPUSLANON . . . SA PAGTADLONG SA MGA BUTANG” 12 Ang Griego nga termino nga ginbadbad “pagtadlong sa mga butang” nagakahulugan sang “paghimo sing maayo, pagpasibu, pagpasag-uli sa nagakaigo kag husto nga kahimtangan.” Kon kaisa, kinahanglan nga maghimo kita sing tikang sa pagtadlong sang mga butang sa iban nga wala nakahangop sa aton ukon sa aton mga ginahimo. Halimbawa, ang Judiyo nga mga lider sang relihion nagreklamo nga si Jesus mainayuhon sa “mga manugsukot sing buhis kag mga makasasala.” Nagsabat si Jesus: “Ang mga tawo nga mapagros wala nagakinahanglan sang manugbulong, kundi ang mga nagamasakit. Lakat kamo kag hibalua kon ano ang kahulugan sini, ‘Luyag ko ang kaluoy, kag indi ang halad.’ ” (Mat. 9:11-13) Mapinasensiahon kag mainayuhon niya nga ginpaathag sa tanan ang mga pinamulong sang Dios. Gani nakilala sang mga mapainubuson si Jehova subong “Dios nga maloloy-on kag mainayohon, makuli sa pagpangakig, kag bu12, 13. (a) Ano dapat ang aton tulumuron sa “pagtadlong sa mga butang,” kag paano naton mailog ang halimbawa ni Jesus sa paghimo sini? (b) Ano nga mga hambal ang dapat naton likawan kon ‘nagatadlong sang mga butang’ sa iban? 26 ANG L ALANTAWAN— A BRIL 15, 2013 BAHIN 1 gana sa malig-on nga paghigugma kag sa pagkatutum.” (Ex. 34:6) Bangod sa panikasog sang Anak sang Dios nga ‘tadlungon ang mga butang,’ madamo ang nagtuo sa maayong balita. 13 Ang halimbawa ni Jesus nagatudlo sa aton kon pa- ano buligan ang iban. Ang isa nga nasaklaw mahimo magsiling sing maakigon sa isa, ‘May gusto lang ko tadlungon sa imo.’ Pero ini nga paagi indi amo ang buot silingon sang 2 Timoteo 3:16. Ang “bug-os nga Kasulatan” wala nagahatag sa aton sing awtoridad nga maghambal nga wala sing konsiderasyon sa iban. Kaangay ini sang “mga pagsuntok sang espada,” nga sa masami nagaresulta sing daku nga kasakit kag indi gid makabulig. —Hulu. 12:18. 14 Paano kita mangin mapinasensiahon kag mainayu- hon kon ‘nagatadlong sang mga butang’? Ibutang ta nga ang isa ka mag-asawa nangayo sing bulig sa isa ka gulang para mauntat ang pirme nila nga pagbaisay. Ano ang 14-16. (a) Paano matadlong sang mga gulang ang mga butang para mabuligan ang iban sa pagsolbar sang ila mga problema? (b) Ngaa ang “pagtadlong sang mga butang” paagi sa Kasulatan importante sa pagpadaku sang kabataan? BAHIN 1 ANG L ALANTAWAN— A BRIL 15, 2013 27 himuon sang gulang? Dapat wala sia sing dampigan. Mahimo niya ipaathag sa mag-asawa ang mga prinsipio sa Biblia, ayhan paagi sa paggamit sang impormasyon sa kapitulo 3 sang libro nga Ang Sekreto sang Kalipay sa Pamilya. Samtang ginabinagbinag nila ini, mahimo marealisar sang mag-asawa kon ano pa nga laygay ang dapat gid nila iaplikar. Sa ulihi, mahimo mamangkot ang gulang kon kamusta na ang pamilya kag maghatag sing dugang nga bulig kon kinahanglanon. 15 Paano matadlong sang mga ginikanan ang mga bu- tang para mapabakod ang ila kabataan sa espirituwal? Ibutang ta nga gusto mo buligan ang imo bata nga babayi nga likawan ang indi maayo nga pagpakig-abyan. Una, usisaa kon sin-o gid ang iya mga kaupod. Dayon, kon may butang nga dapat kabalak-an, mahimo ka makighambal sa iya, ayhan nagagamit sing mga punto sa Questions Young People Ask—Answers That Work, Volume 2. Sa madason nga mga inadlaw, mahimo ka maghinguyang sing dugang nga tion upod sa iya. Mahimo mo man obserbahan ang iya panimuot samtang nagapakigbahin sa pagbantala ukon samtang nagalingawlingaw ang inyo pa28 ANG L ALANTAWAN— A BRIL 15, 2013 BAHIN 1 milya. Kon mangin mapinasensiahon ka kag mainayuhon, mabatyagan sang imo bata ang imo pag-ulikid. Mahimo man sia mapahulag nga iaplikar ang imo laygay kag likawan ang sala nga mga desisyon sa iya kabuhi. 16 Paagi man sa pagkamapinasensiahon kag pagkama- inayuhon, mapalig-on naton ang mga nagakabalaka sa ila panglawas, mga naluyahan bangod sa pagkadula sang ila trabaho, ukon mga nagaduhaduha sa pila ka panudlo sang Kasulatan. Ang paggamit sing Pulong sang Dios sa “pagtadlong sang mga butang” nagahatag sing daku nga benepisyo sa katawhan ni Jehova. “MAPUSLANON . . . SA PAGDISIPLINA SA PAGKAMATARONG” 17 “Wala sing disiplina nga daw makalilipay sa karon, kundi makapasubo.” Pero, “sa ulihi sa mga nahanas sini nagapatubas ini sang mahidaiton nga bunga, nga amo ang pagkamatarong.” (Heb. 12:11) Kalabanan sang adulto nga mga Cristiano nagaugyon nga nakabulig sa ila ang disiplina sang ila tumuluo nga mga ginikanan. Kag ang pagbaton sang disiplina halin kay Jehova, paagi sa mga 17. Ngaa dapat naton batunon sing mapinasalamaton ang disiplina? BAHIN 1 ANG L ALANTAWAN— A BRIL 15, 2013 29 gulang, nagabulig sa aton nga magpabilin sa dalanon sang kabuhi.—Hulu. 4:13. 18 Dapat tinguhaan nga mangin epektibo ang pagha- tag sing disiplina. Ginsilingan ni Jehova ang mga Cristiano nga himuon ini “sa pagkamatarong.” (2 Tim. 3:16) Gani, dapat gamiton naton subong giya ang mga prinsipio sa Biblia. Ang isa sini nga mga prinsipio makita sa Hulubaton 18:13: “Ang nagasabat sa wala pa sia makabati, kabuangan ini kag kahuluy-an sa iya.” Gani, kon kinahanglan istoryahon sang mga gulang ang indibiduwal nga gin-akusahan nga nakahimo sang mabug-at nga sala, dapat sila mag-imbestigar sing maayo para mahibaluan ang tanan nga detalye. (Deut. 13:14) Kon nahimo nila ini, makahatag na sila sing disiplina “sa pagkamatarong.” 19 Luwas sini, ang Pulong sang Dios nagsugo sa mga gulang nga tadlungon ang iban “nga may kalulo.” (Basaha ang 2 Timoteo 2:24-26.) Matuod, ang isa ka indibiduwal mahimo magdala sing kahuy-anan kay Jehova 18, 19. (a) Ngaa ang laygay sang Hulubaton 18:13 importante gid sa “pagdisiplina sa pagkamatarong”? (b) Ano ang masami nga resulta kon magpakita ang mga gulang sing kalulo kag gugma sa pagpakig-angot sa nakasala? 30 ANG L ALANTAWAN— A BRIL 15, 2013 BAHIN 1 kag kahalitan sa mga inosente. Pero indi gid sia mabuligan kon maakigon nga laygayan sia sang isa ka gulang. Apang, kon ilugon sang mga gulang “ang kaayo sang Dios,” mahimo mapahulag ang nakasala nga maghinulsol.—Roma 2:4. 20 Sa pagpadaku sa ila kabataan “sa disiplina kag na- gatuytoy nga panghunahuna ni Jehova,” dapat iaplikar sang mga ginikanan ang mga prinsipio sa Biblia. (Efe. 6:4) Indi dapat pagsilutan sang amay ang iya bata kon ginsugiran lang sia nga may ginhimo nga malain ang iya bata. Kag ang mapintas nga kaakig indi dapat makita sa Cristiano nga pamilya. “Si Jehova mapinalanggaon gid kag maluluy-on,” kag ang mga may responsibilidad sa pagdisiplina sa mga kabataan dapat may amo man sini nga mga kinaiya.—Sant. 5:11. ANG MALAHALON GID NGA REGALO NI JEHOVA SA ATON 21 Ginpahayag sadto sang isa ka diosnon nga tawo kon 20. Ano nga mga prinsipio ang dapat iaplikar sang mga ginikanan kon nagadisiplina sa ila kabataan? 21, 22. Ano nga mga pinamulong sa Salmo 119:97-104 ang nagalaragway sang imo nabatyagan sa Pulong ni Jehova? BAHIN 1 ANG L ALANTAWAN— A BRIL 15, 2013 31 ngaa ginhigugma niya ang kasuguan ni Jehova. (Basaha ang Salmo 119:97-104.) Paagi sa pagtuon sini, nakatigayon sia sing kaalam, paghantop, kag paghangop. Ang pagtuman sang laygay sini nakabulig sa iya nga likawan ang sala nga mga dalanon nga naghatag sing kasakit sa iban. Para sa iya, ang pagtuon sa Kasulatan makalilipay gid. Determinado sia nga tumanon ang Dios nga naghatag sa iya sing mga panuytoy sa pagtigayon sang madamo nga kaayuhan sa kabuhi. 22 Ginapabaloran mo bala ang “bug-os nga Kasula- tan”? Paagi sa sini, mapabakod mo ang imo pagtuo nga tumanon sang Dios ang iya katuyuan. Ang mga laygay sini nagaamlig sa imo batok sa makamamatay nga epekto sang paghimo sing sala. Kag paagi sa epektibo nga pagpaathag sini, mabuligan mo ang iban nga makalakat kag makapabilin sa dalanon sang kabuhi. Kabay nga gamiton naton sing maayo ang “bug-os nga Kasulatan” samtang ginaalagad naton ang aton maalam gid kag mahigugmaon nga Dios, si Jehova. 32 ANG L ALANTAWAN— A BRIL 15, 2013 www.jw.org/hil wlp13 04/15-HV-1